Kikwete: We’ve reaped from Xi tour

By In2EastAfrica Reporter President Jakaya Kikwete on Monday paid a glowing tribute to China following a pledge to renew development assistance to Tanzania made by the visiting President Xi Jinping, saying that the country has scored big from the tour.

President Jakaya Kikwete congratulates Chinese President Xi Jinping (right) after making a speech at the Mwalimu J.K Nyerere International Convention centre in Dar es Salaam on Monday. He said at the ceremony to inaugurate the state-of-the-art Mwalimu J.K. Nyerere International Convention Centre built with Chinese assistance in Dar es Salaam on Monday that President Xi’s historic tour to Tanzania has opened a new chapter and doors for increased investment and promotion of culture by the far-east nation in Tanzania. President Kikwete hailed China ‘’for the true friendship it has shown to Tanzania’’, adding that the ultra-modern convention centre also handed over to him by President Xi was a vivid example. The facility, which has been constructed by China at the cost of 15 million US dollars, is an addition to the list of few major conference centres in the country, others being the Arusha International Conference Centre (AICC) and the Dar es Salaam International Conference Centre (DICC). “We are pleased that you chose Tanzania among the countries you decided to visit during your first official overseas trip’’, noting that the cordial relations between China and Tanzania have grown from strength to strength over the years. He quoted the words of the Father of the Nation, Mwalimu Julius Nyerere, who once said that Tanzania would see for itself what China would bring for them and that as a country it would not be influenced by other people’s perceptions of China. He said that Tanzania was to date still guided by Mwalimu Nyerere’s legacy and that the convention centre has been fittingly named after him as he is the founder of the China- Tanzania relations. President Kikwete thanked China for being a reliable development partner, further expressing hope that the convention centre will promote Tanzania as a conference tourism destination. Meanwhile, China’s relations with Africa will be strengthened further with no interference to the continent’s sovereignty and dignity, President Xi said in the city yesterday. In his special address to Africa on Chinese foreign policy from Dar es Salaam during the inauguration of the convention centre, President Xi said China will intensify and not slacken off its efforts to cooperate with Africa. ‘’We are committed to supporting African countries and safeguard the interests of developing countries,” he quipped. President Xi further urged other countries to strengthen their ties with Africa and ensure that the African countries’ dignity and sovereignty are respected. “China sees Africa as the continent of hope. We will contribute to the continent’s peace and security,” he stressed. He noted that the world is full of diversity. He added that the diversity nature of the world should be respected while strengthening relations. President Xi, whose speech was often interrupted by applause, noted that China’s support to Africa will be result– based. He mentioned infrastructure and agriculture as key sectors in critical focus. “We think it is more important to teach people how to fish…..China will in the years 2013 to 2015 offer 18,000 scholarships to students from Africa,” he said. He further emphasized that the Sino-Africa relations should be ‘people oriented’, adding that Tanzania has become an attractive destination to Chinese tourists. “Our problems should be handled in a win-win situation and we expect to register more successes than failures or challenges,” he stated. President Xi further noted that China, with a population of 1.3 billion people, faced various challenges related to improving standards of living for its people but added that such challenges would not hold back the country’s support to Africa. He promised to increase soft loans to Africa to 20bn US dollars between 2013 and 2015, saying that no matter how fast the Chinese economy grows, Africa will remain a priority. He remembered the founders of the China-Africa ties by citing two sayings from Africa and China respectively. He said: “A river runs deep because of its source,” and “as we drink water from the well, we should not forget those who dug it”. “China’s ties with Africa have been in a win-win situation. Trade with Africa reached 200bn US dollars last year,” he said. President Xi left on Monday evening for South Africa after a two-day visit. Tanzania became the first African country to be visited by the Chinese leader since he assumed the presidency of the world’s most populous nation and its second largest economy on March 14. By ABDULWAKIL SAIBOKO, Tanzania Daily News Do you have a story or an article to publish? Please email us to submit@in2eastafrica.net.

Rais Kikwete,Museveni wahudhuria Misa ya Mchakato utakatifu wa Mwalimu Nyerere

Maaskofu: Tanzania imeelemewa na vilema vya ufisadi maaskofu-tanzania

KATIKA kuadhimisha miaka 50 ya Uhuru wa Tanganyika, Baraza la Maaskofu Tanzania (TEC), limesema taifa limepoteza dhana ya uwajibikaji, uzalendo safi na mtazamo chanya wa maendeleo na ustawi wa wananchi, badala yake nchi imetumbukia kwenye vilema vya kifisadi na ubinafsi uliopindukia. Kana kwamba hiyo haitoshi, TEC imeonya kwamba, kushamiri kwa matabaka ya watu wenye nacho na wasionacho, mmomonyoko wa maadili, ushabiki wa mambo usio na upeo wala kina, unahatarisha usalama na mshikamano mzuri wa nchi ulioachwa na Baba wa Taifa, Hayati Mwalimu Julius Kambarage Nyerere.

Kauli hiyo imetolewa Jijini Mwanza na Rais wa Baraza hilo la Maaskofu Tanzania, Jude Thadaeus Ruwa’ichi, wakati alipokuwa akizungumza kwenye uzinduzi wa kitabu cha Miaka 50 ya Uhuru wa Tanzania Bara, uliofanyika Mwanza hoteli. Ruwa’ichi ambaye pia ni Askofu wa Kanisa Katoliki Jimbo Kuu la Mwanza, alikwenda mbali zaidi na kusema, Serikali inapaswa ijitathmini na kutoogopa kuchukuwa maamuzi magumu ambayo ni muhimu, kama ambavyo Baba wa Taifa, Nyerere alivyojiwekea wakati wa kutafuta na baada ya kupata uhuru Desemba 9, mwaka 1961.

Rais wa Baraza la Maaskofu Tanzania (TEC), Jude Thaddaeus Ruwa’ichi (kushoto), akimpongeza mtunzi wa Kitabu cha miaka 50 ya Uhuru wa Tanzania Bara, John Kasembo (katikati), jana Mwanza Hoteli. Kulia ni Mkuu wa Wilaya ya Nyamagana jijini Mwanza, Said Ali Amanzi.

Askofu Ruwa’ichi akisikiliza hotuba ya DC Amanzi. “Leo tunaposherehekea miaka 50 ya uhuru wa nchi yetu, yapo matatizo mengi yanayotupasa tujitafakari. Taifa letu limesakamwa na vilema vya kutisha vya ufisadi mkubwa na mdogo. “Dhana ya uwajibikaji na uzalendo safi vinaonekana kuanza kutoweka. Kuzuka kwa matabaka na hata yale ya ulaghai na kushamiri kwa umasikini unatishia na kuhatarisha amani na umoja wa taifa letu”, alisema Ruwa’ichi. Hata hivyo, kiongozi huyo wa kiroho ambaye alitoa hotuba yake hiyo kali mbele ya Kaimu Mkuu wa mkoa wa Mwanza, Said Amanzi alisema, Watanzania wote wanapaswa kuielewa miaka 50 ya Uhuru wa nchi kama ngwe ndogo, katika safari ndefu ya kujiimarisha na tunu ya kimaendeleo. Kwa mujibu wa Rais huyo wa TEC, kila Mtanzania anao wajibu wa kuwa mchangiaji mzuri wa maendeleo ya taifa, na kwamba lazima uwepo utawala wa haki na bora, umoja, uswa na utamaduni unaozingatia maslahi ya watu wote na si kundi fulani. “Kila mmoja wetu anatakiwa awe mchangiaji hodari wa maendeleo ya taifa letu hili. amani, utawala wa haki na usawa lazima vizingatiwe”, alisema Ruwa’ichi ambaye katika hotuba yake ilionekana kuwaliza baadhi ya watu ukumbini humo. Aidha, alitumia fursa hiyo kumpongeza mtunzi wa kitabu hicho cha Miaka 50 ya uhuru wa Tanzania Bara, John Kasembo (26), kwa kuandaa kitabu hicho chenye maudhui ya taifa hili lilikotoka, lilipo na linakoelekea. “Kwa niaba ya watu wote wenye mapenzi mema, nakupongeza kwa moyo wote kijana John Kasembo na nakukaribisha sana katika ulingo wa watafiti mahiri na waandishi bora”, alisema Ruwa’ichi kisha kushangiliwa na umati uliohudhuria uzinduzi wa kitabu hicho. Naye Kaimu Mkuu wa mkoa wa Mwanza, ambaye pia ni Mkuu wa wilaya ya Nyamagana na Kaimu Mkuu wa wilaya ya Ilemela jijini hapa, Said Amanzi katika hotuba yake alikiri taifa kukumbwa na matendo mabaya ya kifisadi.

MOTO WA KATIBA MPYA WAZIDI KUSHIKA KASI, KANISA KATOLIKI WAJITOSA

Katiba inayotumika kwa sasa ambayo inahitaji kubadilishwa.

HATIMAYE Kanisa Katoliki nchini limejitosa rasmi katika mjadala wa katiba mpya likisema kuwa linaunga mkono mchakato huo, lakini likihadharisha kuwa mchakato huo unahitaji subira, weledi na ujasiri wa kisiasa kukubali mabadiliko.

Hayo yamo katika tamko maalumu lililotolewa na Baraza la Maaskofu Tanzania (TEC) katika mkutano usiokuwa wa kawaida uliofanyika jijini Mwanza kuanzia Januari 10-11, mwaka huu na kusainiwa na Rais wa baraza hilo Jude Thaddaus Ruwa’ichi. Maaskofu wa kanisa hilo pamoja na mambo mengine walizungumzia suala la katiba mpya na tukio la kitaifa la maadhimisho ya Jubilei ya miaka 50 ya uhuru wa nchi. Kanisa hilo lilitoa wito kwa serikali na wadau wote kujadili mchakato huo wa kuandika katiba mpya likitaka busara itumike ili kufuata mchakato uliowazi wakati wa kuiandaa. “Tunamshukuru, kwanza Rais amelitambua hilo na hivyo amekubali na kudhamiria kuhakikisha kwamba nchi yetu inakuwa na utaratibu mzuri wa kuratibu mambo yake kwa njia ya katiba inayoendana na wakati,” lilisema kanisa hilo kupitia tamko hilo maalumu na kuongeza. “Ni matarajio yetu kwamba ili kufikia lengo na matamanio ya Watanzania walio wengi ya kuwa na katiba inayoendana na wakati, yenye misingi imara ya kidemokrasia na inayobeba matumaini ya Watanzania kuelekea miaka 50 ijayo, busara itatumika ili kufuata mchakato uliowazi.” Kanisa lilifafanua kuwa katika kutumia busara huko kutafanya mchakato huo kuwa wazi wa haki na unaokubalika na wengi na kwamba utawezesha kupatikana kwa katiba inayolinda tunu za taifa ambazo ni amani umoja mshikamano na pia maslahi ya Watanzania wote. Kanisa limeshauri uwapo wa jitihada za makusudi za kushirikisha watu wengi kutoka makundi mbalimbali yatakayochangia kupata mwafaka wa kitaifa juu ya katiba gani wanayoitaka Watanzania. “Kwa kuwa bunge ni chombo cha wawakilishi wa nchini vema chombo hiki kikishirikishwa tangu mwanzo hasa katika kuweka taratibu za kufanikisha shughuli hiyo na mwisho kupata ridhaa kwa wananchi wote (referendum), mchakato huu utahitaji weledi, subira, uvumilivu wa kisiasa na ujasili wa kukubali mabadiliko,” inasema sehemu ya taarifa hiyo. Katika tarifa hiyo maaskofu waliweka bayana kuwa wao wanaunga mkono na kwamba wanatia moyo mchakato huo na na kuwaalika Watanzania wote kuungana pamoja kuliombea taifa liweze kudumu katika upendo uelewano umoja na amani. Kuhusu maadhimisho ya Jubilie ya miaka 50 ya uhuru wa Tanzania bara kanisa limeelekeza waumini wake kushiriki kikamilifu katika sherehe hizo kwa kusali sala maalumu ya kuliombea taifa kuanzia ngazi ya Jumuiya, Parokia na Jimbo. “Wazo ama lengo kuu la Kanisa Katoliki kusherehekea Jubilei ya Uhuru wa Tanzania ni kumshukuru Mungu na kuona kwamba uhuru tulioupata unaendelea kuwasaidia watu kuishi kama wana wa Mungu, maadhimisho ya miaka 50 ya Uhuru wa Tanzania pia yamelenga kuongeza uelewa wa waumini na Watanzania wote juu ya umuhimu wa uhuru wa watu na taifa,” lilisema. Sababu nyingine ni kutathmini mafanikio, matatizo, na changamoto muhimu za kitaifa za kanisa katoliki katika kipindi cha miaka 50 ya uhuru katika kumwendeleza Mtanzania kiroho na kimwili na kuweka malengo ya jumla ya kudumisha uhuru wa Taifa la Tanzania. Katika kuhakikisha kanisa linashiriki kikamilifu katika maadhimisho hayo, limeziagiza mamlaka zake za chini kuanzia ngazi ya jumuiya, kigango na Parokia kusali sala maalumu kwa ajili ya maadhimisho ya miaka 50 ya Uhuru wa Tanzania bara kila zinapokutana na kuimba wimbo wa taifa pale inapobidi kufanya hivyo. “Ili kufanikisha hilo, pamoja na mambo mengine , tunapendekeza kwamba kadiri ya nafasi na mazingira, wimbo wetu wa Taifa uimbwe mara kwa mara kadiri iwezekanavyo katika ibada zetu kama vile katika misa za Jumapili na katika shughuli zingine za kikanisa”, lilisema tamko. Pia imeelezwa kuwa Parokia na Jimbo zitatakiwa kutenga siku maalum kwa ajili ya kuadhimisha misa maalumu kwa nia ya kumshukuru Mungu kwa kufikisha miaka 50 ya uhuru na kuliombea Taifa liweze kudumu katika upendo, amani umoja na mshikamano. “Misa hizi ziadhimishwe kwa kufuata mtiririko kulingana na Kalenda ya litrujia, iteuliwe siku moja kwa ajili ya Misa ya Parokia, misa hii ifanyike Mei 31 na Agosti 15 , Misa ya Jimbo na ile ya kitaifa itafanyika karibu na kilele cha Sherehe za Uhuru (Desemba 9 mwaka huu,” lilisema kanisa hilo. Kanisa hilo lilifafanua kuwa katika sherehe hizo kutakuwa na harakati za kuwahamasisha Wakristo na Watanzania kwa ujumla juu ya umuhimu wa uhuru katika kujipatia maendeleo ya kiroho na kimwili. Aidha kanisa hilo limeitisha kongomano la kitaifa litakalofanyika Novemba 11 na 12 mwaka huu, lengo likiwa kutoa fursa kwa waumini na watu wote kutafakari juu ya wapi wametoka, walipo na wanakotaka kwenda kama taifa. Moto wa kudai katiba mpya, uliwashwa na Chadema Novemba mwaka jana, baada ya kutangaza kutotambua kura zilizomweka madarakani Rais Jakaya Kikwete. Kutokana na hali hiyo, chama hicho kilianza mchakato wa kushikiza kuundwa kwa katiba mpya kwa kususia hotuba ya Rais Kikwete wakati wa akizindua Bunge la 10. Pia wabunge pamoja na viongozi wa chama hicho walisusia sherehe za kuapishwa kwa Rais. Katika kuendeleza madai hayo, hivi karibuni mbunge wa Jimbo la Ubungo kupitia Chadema, John Mnyika aliwasilisha hoja binafsi kwenye Ofisi za Bunge, hoja iliyokuwa na lengo la kudai katiba mpya. Nao Wanachama wa CUF, hivi karibuni walifanya maandamano ya kuwasilisha rasimu ya katiba mpya kwa Waziri wa Katiba na Sheria. Pia viongozi mbalimbali wastaafu, walipo madarakani wamekuwa wakieleza umuhimu wa kuwa na Katiba mpya. Miongoni mwa waliojitokeza adharani na kuunga mkono uwepo wa katiba mpya ni pamoja na Rais Mstaafu, Benjamin Mkapa, Mawaziri Wakuu wa zamani, Joseph Warioba na Frederick Sumaye, Jaji Mkuu Mstaafu na Augustino Ramadhani, Mwanasheria Mkuu wa Zanzibar, Jaji Omar Makungu pamoja na Waziri Mkuu, Mizengo Pinda ambaye aliahidi kumshauri Rais juu ya suala la kuundwa kwa Katiba mpya. Madai ya Katiba mpya pia yamewahi kutolewa na Msajili wa Vyama vya Siasa, John Tendwa ambaye alisema bayana kuwa katiba mpya iandikwe mapema kabla ya mambo kuwa mabaya, akitoa mfano wa mapungufu ya katiba ya sasa kuwa ni rais kupewa madaraka makubwa. Lakini akiwa Ikulu kwenye hafla ya kuapishwa Jaji Mkuu Mpya, Mohamed Othman Chande, Mwanasheria Mkuu wa Serikali (AG) Frederick Werema, alisema kuwa haoni haja ya kuandikwa katiba mpya badala yake katiba iliyopo, iwekewe viraka. “Kuandika Katiba mpya hapana, lakini kufanya marekebisho kwa kuondoa au kuongeza mambo fulani kwenye katiba, ruksa,” alisema Jaji Werema.

Watanzania watakiwa kutoa maoni katika katiba

Mwenyekiti wa CUF Prof. Ibrahim Lipumba akiwahutubia maelefu ya wanachama na wapenzi wa Chama hicho katika viwanja vya Muembe Yanga Wilaya ya Temeke jijini Dar es Salaam ambako kulifanyika mkutano wa hadhara

Mwenyekiti wa Chama Cha Wananchi CUF Prof. Ibrahim Lipumba amewataka watanzania kusimama imara na kujipanga katika kutoa maoni ya katiba mpya, ili kuhakikisha kuwa katiba inaweka wazi suala la maliasili kuwa rasilimali za Watanzania. Amesema Tanzania imebarikiwa kuwa na maliasili nyingi zikiwemo dhahabu, almasi, Tanzanite, copper na madini mengine kadhaa, lakini bado rasilimali hizo hazijawanufaisha wananchi kutokana na kutokuwepo utaratibu unaoeleweka juu ya mgawano wa rasilimali hizo. Akizungumza katika mkutano wa hadhara wa Chama hicho wenye lengo la kuwashukuru wananchama na wakaazi wa Dar es Salaam pamoja na Mikoa jirani kutokana na kujitokeza kwa wingi kwenye mapokezi yake tarehe 11/03/2012 Prof. Lipumba amesema iwapo kutawekwa utaratibu maalum kikatiba, maliasili hizo zinaweza kuwanufaisha Watanzania wote. Katika mkutano huo uliofanyika viwanja vya Muembe Yanga Wilaya ya Temeke jijini Dar es Salaam, Prof. Lipumba amewapongeza wanachama na wananchi waliojitokeza kwenye mapokezi hayo, na kutaka moyo waliounyesha kwake siku hiyo uendelezwe katika kukijenga chama hicho na kuwa dira ya uchaguzi mkuu ujao. Prof. Lipumba amefahamisha kuwa kutokana na kutokuwepo kwa mipango imara ya kiuchumi nchini, kumepelekea kuwepo kwa mfumko mkubwa wa bei kwa zaidia ya asilimia 50, jambo ambalo linadumaza maendeleo ya Watanzania waliopata uhuru miaka 50 iliyopita. Amesema kipindi cha miaka 50 ni kikubwa kuweza kuleta mapinduzi ya kweli yw kiuchumi na maendeleo endelevu, na kwamba nchi nyingi tayari zimefanikiwa zikiwemo Singapore, Malaysia na Korea ya Kusini. “Tunahitaji uongozi wenye dira ya kuikomboa Tanzania kiuchumi, nchi yetu ina utajiri mkubwa lakini hakuna mipango imara kutokana na ombwe ya uongozi uliopo”, alisema Prof. Lipumba ambaye alirejea nchini mapema mwezi huu kutoka Marekani alikokuwa alifanya utafiti kuhusu mambo ya demokrasia na maendeleo ya kiuchumi. Amewaeleza maelfu ya wanachama na wapenzi wa Chama hicho kuwa tayari amepata mwaliko mwengine wa kwenda mji wa Barcelona mwishoni mwa mwezi huu, ambako atakutana na wataalamu wawili wa kuchumi kutoka nchi za Urusi na Ubelgiji kwa lengo la kujadili matatizo ya kisiasa ya nchi za kiarabu na athari za kiuchumi na kisiasa zinazoweza kujitokeza kwa nchi nyengine. Mapema Katibu Mkuu wa Chama hicho Maalim Seif Sharif Hamad amepongeza mapokezi makubwa aliyopewa Prof. Lipumba ambayo amesema yanathibitisha kuwa CUF kweli ni Chama Cha Wananchi, sambamba na wanachama kuwa na uchungu na Chama chao. Maalim Seif amekebehi kwa wale wanaodai kuwa CUF ni CCM ‘B’ kwamba wana wivu wa kisiasa, na kutoa wito kwa wanachama kutokubali kuyumbishwa katika kukiendeleza chama hicho. Katika hatua nyengine mjumbe wa baraza kuu la uongozi la Chama hicho aliyepewa onyo kali wakati Mwakilishi wa Jimbo la Wawi Mhe. Hamad Rashid Mohammed pamoja na wenzake walipofukuzwa uanachama Bw. Yassir Mrotwa, ameibuka na kuomba radhi kutokana kukifikisha Chama hicho mahakamani. Amesema atafuatilia mwenendo wa kesi hiyo ili kufuta saini yake isitumike kwenye mwendelezo wa kesi hiyo. Wakati huo aliyekuwa naibu mkurugenzi wa uchaguzi wa CUF taifa Bw. Khamis Katuga ambaye alikihama chama hicho na kuhamia CCM, amerejea tena CUF ambapo amerejesha kadi ya CCM na kukabidhiwa kadi ya CUF. Ametahadharisha kuwa tatizo kubwa linalorejesha nyuma maendeleo ya chama hicho ni kutokanyika kwa vikao katika ngazi ngazi mbali mbali, huku akieleza sababu zilizomrejesha tena CUF kuwa ni uimara na sera zinazotekelezeka za chama hicho, huku akifunga maelezo yake kwa usemi “asiyejua kufa achungulie kaburi”.

Mawaziri wa Serikali ya Zanzibar na sababu ya ubunifu

Maelekezo ya kiongozi wa nchi ni muhimu sana. Na mara nyingi kiongozi mwenye busara hutoa maelekezo na kutaraji wafuasi wake au walio chini yake watekeleze maagizio hayo bila visingizio vyovyote vile. Kiongozi wa nchi hutoa maelekezo hayo pia akiruhusu ubunifu na hata utekelezaji kwa mujibu wa hali ilivyo na sio kutekeleza maagizo kwa njia ya kulazimisha kwa kuwa tu ni kutekeleza maagizo. Maana mwisho wa siku, kama msemo ulivyo ni kuwa mtekelezaji atapimwa kutekeleza maagizo sio kwa kuwa tu ametekeleza lakini kwa namna gari, kwa athari gani na hasa kwa kuwafika upana gani wa taifa. Maelezo yangu hayo ya utangulizi yanahusiana na maagizo ya Rais wa Zanzibar Dk. Ali Muhammed Shein ambae mwezi Novemba mwaka jana alitoa maelekezo kuwa wasaidizi wake wafanya utaratibu wa kukutana na waandishi wa habari ili watoe taarifa juu ya utendaji wa wizara wanazozisimamia. Niliandika wakati huo wa mwezi wa Novemba kuwa hata mwenye Rais hakuwa mfano mzuri kwa sababu ilimchukua mwaka mmoja mzima kukutana na waandishi wa habari wakati akisherehekea mwaka mmoja wa uongozi wake. Lakini kuchelewa kwake huko tukaweza kukusamehe kwa sababu pengine wazo la kukutana na waandishi kila miezi mitatu halikuwa limekuja akilini mwake kabla, bali pia kama alivyosema Mwenyekiti Mao Dze Dung kuwa unapoamka ndio asubuhi yako, na kwa hivyo alipoanza ndipo hapo pa kuanzia. Tulitaraji Rais Shein ataendeleza moto huo ambao alichelewa kuuanza wa kukutana na waandishi, lakini labda kwa kutingwa na kazi ahadi yake ya kukutana na waandishi haikugota katika kitambo cha miezi mitatu maana ndio muda huo sasa unayoyoma. Wakati akizungumza na waandishi mwaka jana, Rais Shein alitoa maagizo, kama nilivyotangulia kusema ya Mawaziri kila mmoja kwa Wizara yake nao pia kuanzisha utamaduni wa kukutana na waandishi wa habari katika kuhimiza dhana ya uwazi wa Serikali. Lakini pia iwe ni katika dhana ya kuwajuvya wananchi kinachoendelea katika utendaji wa Wizara hizo ambazo ndizo nguzo ya kila siku ya Serikali na ndio pahala ambapo wananchi wanaweza kupafika ikilinganishwa na Serikali Kuu. Ukapita muda kidogo tu na Wizara zikaanza kutekeleza maagizo ya Rais, na utekelezaji huo ndio leo utakuwa ndio hoja yangu katika makala hii kwa nia ya kujaribu kuonyesha kasoro zaidi ili kufanya marekebisho kwa ajili ya siku za baadae. Kwa fikra zangu, ambazo mara nyingi huonekana ni kinyume cha mambo, ni kuwa utaratibu huo naamini haukuenda kwa mujibu wa matakwa ya Rais Shein ambaye hakusema asilan kuwa ufanywe kwa kuwa umefanywa tu, ila naamini alikusudia ufanywe ili uwe na faida. Nafasi ya Rais kukutana na waandishi wa habari haiwezi kuwa kubwa na ya mara kwa mara kama ambayo nafasi ambayo anaweza kuwa nayo Waziri mmoja mmoja na kwa hivyo kwa fikra zangu haikuwa lazima kwa kila Waziri kuitisha mkutano na waandishi wa habari kwa staili ile ile ya Rais na kukaa nao na kuwatolea taarifa kwa njia ya kusoma. Mawaziri wangepaswa kufikiri kama kila Waziri atakuwa anasoma taarifa yake jee mwandishi wa habari ataekwenda mikutano ya Mawaziri sita tu hali yake itakuwa vipi kiakili lakini pia kimwili. Lakini pia mwandishi huyo atakuwa kweli tayari kwenda kumsikiliza Waziri mwengine wa 7 akitoa “hotuba” nyengine? Mambo mengi ambayo Mawaziri walikuwa wakiyasema katika kipindi hicho yalikuwa tayari yameshasemwa na Rais Shein katika hotuba yake ndefu kule Ikulu, na kwa hivyo kurudiwa tena na Mawaziri hao karibu sawa na alivyosema Dr Shein hakukuwa na faida yoyote ile. Hapa ningetaka kusema mambo mawili, kabla sijasonga mbele. Kwanza ni kwamba kile kitendo cha kila Wizara kutoa taarifa na taarifa hizo zikiambatana, pengine Wizara mbili kwa siku au moja leo na moja kesho kilikuwa kinachosha na halikuwa ni jambo la lazima. Kungekuwa na aina fulani ya ubunifu na uratibu ambao Wizara zisingegongana lakini pia Wizara zisingekuwa zikitoa taarifa kwa njia ya “mchosho” kwa waandishi wa habari. Rais hakumaanisha katika maagizo yake kuwa kila miezi mitatu imaanishe Wizara zote zifanane, ila ubunifu ungeweza na unaweza kuruhusiwa. Lakini mikutano ile ya Mawaziri ilikuwa kama ratiba ya Maulid ya Mfungo Sita, leo Kwahani, kesho Malindi, keshokutwa Tumbatu mradi kila mtu anafukuzia asome Maulid yake ndani ya baraka ya Mfungo Sita. Pili, kwa fikra zangu Wizara zingekuwa bunifu kwa kupunguza “hotuba” na kwa kutoa maelezo yake kwa mifumo ya kisasa kama “power point” na kutoa taarifa kwa waandishi kwa njia ya dondoo na takwimu muhimu badala ya hotuba za kurasa 15 au 20. Kama nilivyosema ni kwamba nyingi ya taarifa hizo za Ki-Wizara zilikwisha tolewa na Rais na kwa hivyo fikra zangu ni kuwa kama pangekuwa na ubunifu basi Wizara zisingewaita waandishi na kuwaweka kitako kwa saa kadhaa na huku wakirudia takriban yale yale. Kwa hivyo ningekuwa mimi ningechagua maeneo machache ambayo ningeyakazia katika maelezo na kutoa taarifa za uyakinifu mambo yamefikiaje tokea kipindi ambacho Rais alizungumza ili kuonyesha kuwa Wizara inafanya kazi na mwananchi aridhike kujua hivyo. Kurudia kila kitu ni kuwatesa waandishi. Pia kama ningeruhusiwa kufanya ubunifu basi ningechagua mfumo mwengine wa kutoa taarifa kwa waandishi badala ya ule ya kuwaita katika mkutano na waandishi wa habari. Nao ni ule wa kuwachukua katika maeneo “site visit” mbili au tatu na huku kuzungumza nao. Rais Shein kwa mfano alisema Serikali yake imejenga skuli nyingi za mradi wa miaka mitatu kwa kipindi cha mwaka mmoja, naamini ingependeza sana waandishi wa habari wakaaenda huko na kuona kilichofanywa au Wizara ya Mawasiliano ingezungumza na waandishi wakiwa katika eneo linalojengwa sehemu ya kukaa abiria huko Uwanja wa Ndege wa Kimataifa wa Karume, naamini mambo yangenoga. Ubunifu pia ungeweza kuwaongoza Mawaziri kujenga ukuruba na Wahariri wa vyombo vya habari au waandishi wazoefu kwa kukutana nao kwa kikombe cha chai au kahawa na kubadilishana mawazo na kwa njia hiyo fikra nyingi mpya za miradi, mikakati kuweza kuzijua na kuzijengea hoja. Kubwa zaidi ningefurahi iwapo angetokea Waziri akatoa taarifa moja kwa moja kwa wananchi na badala ya kuulizwa masuala na waandishi wa habari basi iwe ni fursa ya wananchi kumuuliza, maana wao ndio anaewatumikia. Hoja ya kukutana na waandishi wa habari haiishii kila miezi mitatu, lakini kila inapopatikana nafasi, lakini taarifa ya miezi mitatu basi iwe tofauti na taarifa za kila siku, au isheheni taarifa mpya na sio kuwa marudio. Nionavyo mimi uwazi aliokusudia Dk. Shein si lazima uwe kama ambavyo umefanywa na mawaziri wake. Kweli wote wametoa taarifa lakini zimetolewaje na vyombo vya habari, jee zimefikaje kwa wananchi, kuna mrejesho wowote kutoka kwa wananchi na muhimu kabisa zimechorwa taswira ya Wizara na Serikali kwa jumla? Kutaka kuwa wazi ni kitu kimoja lakini kuwa wazi na umma ukajua kuwa Serikali iko wazi ni kitu chengine kabisa. Ndio maana somo la utawala bora na uwazi wa Serikali ndio kwanza bado halijasomeshwa hapa Zanzibar na wakati ndio huu.

Barua ya watu wa Uzini kwa Rais Kikwete

Rais wa Jamhuri ya Muungano wa Tanzania, Jakaya Mrisho Kikwete Kwa mshangao mkubwa sisi watu wa Uzini tukaletewa mtu alie nje mbali sana na jimbo letu kutoka jimbo la Bububu wilaya ya Magharibi na kuhamishiwa kwenye tawi letu na kupewa fomu ya kugombea nafasi hiyo ya uwakilishi huku wanajimbo halisia wafikao kumi waliojitiokeza kugombea nafasi hii wakiangushwa kwa hila na ghilba na nguvu ya pesa aliyoitumia mwanachama wa CCM mwenzetu, mfanya biashara, bwana Moh’d Raza Daramsy, akisaidiwa na kusimamiwa na viongozi waliokuwa si waaminifu wa chama chetu, ambao wameshindwa kupima upepo wa siasa zetu, na ambao wamesahau historia ya mapinduzi yetu. Viongozi hawa wa ngazi ya jimbo na wilaya wasipoangaliwa kwa umakini mkubwa watakipeleka pabaya chama chetu. BARUA YA WAZI KWA MWENYEKITI WA CHAMA CHA MAPINDUZI, CCM TAIFA, AMBAE PIA NI RAIS WA JAMHURI YA MUUNGANO WA TANZANIA, MHE. JAKAYA MRISHO KIKWETE 22/12/2011 Mheshimiwa mwenyekiti wa chama cha Mapinduzi, kwa heshima kubwa na kwa unyenyekevu uliotukuka juu yako tunaiandika barua hii tukiwa na majonzi makubwa juu ya maafa makubwa yaliyosababishwa na mafuriko yatokanayo na mvua kubwa zilizonyesha katika jiji la Dar es Salaam na maeneo mengine na kusababisha kupelekea vifo vya watanzania wenzetu na uharibifu mkubwa wa mali na mionombinu. Tunatoa mkono wa pole kwako wewe binafsi kama mkuu wa nchi na kwa familia za wenzetu wote walioathirika na maafa hayo. Tunawaomba watanzania wote tuungane pamoja katika kuwafariji wenzetu hawa kwa hali na mali. Kwa wale ambao roho zao zimepotea, tunamuomba Mwenyezi Mungu azilaze roho zao mahali pema peponi, Amin. Mhe. Rais, uwamuzi wako wa kukatisha ziara yako mkoani Mara na kurejea Dar es Salaam leo ni uthibitisho kamili kuwa wewe ni kiongozi unaewajali wananchi wako. Tunaamini utatoa kauli ambayo itakuwa ni dira kwa watanzania kuweza kukabiliana na janga hili na majanga mengine ya namna hii ili yasiweze kutokea tena nchini mwetu. Mheshimiwa, baada ya pole zetu hizo tunaomba kwa umakini sana usikilize kilio chetu sisi wanachama wenzako wa CCM, wa jimbo la Uzini liliyopo wilaya ya Kati, mkoa wa Kusini Unguja. Tunachukua fursa hii muhimu kukuandikia barua yetu hii tukijua wewe ni kiongozi wetu makini, mahiri, msikivu, muajibikaji na mfuatiliaji hata kwa habari ambazo wengine huziona kuwa hazina maana, wewe huzipa umuhimu na kuzifanyia kazi. Hii ndio maana chama chetu cha Mapinduzi CCM, kimekuwa kikipendwa na kuzidi kuungwa mkono, na kimekuwa kikipata ushindi wa kishindo kila uchaguzi mkuu unapofika. Hivyo basi, barua yetu hii ya wazi kwako tunaamini utaichukulia kama ni changamoto na sio ukosefu wa adabu. Mh. Mwenyekiti hivi sasa muda si mrefu tutaingia katika uchaguzi mdogo wa jimbo la Uzini kwa nafasi ya uwakilishi ili kujaza nafasi hiyo iliyoachwa wazi na aliyekuwa mwakilishi wetu mpendwa marehemu Maalim Mussa tuliyemchagua kwa kura nyingi za wana CCM. Tunajinasibu na kujilabu kama jimbo hili ni letu tangu asili na dahari na wewe Mheshimiwa hili unalijuwa vizuri kwa sababu wewe ni sehemu yetu na uliishi hapa visiwani na ukakijenga chama cha CCM kilichotokana na Afroshirazi na TANU hapa katika ofisi kuu ya CCM Kisiwandui ukiwa mtendaji. Mheshimiwa mwenyekiti tulipokea kwa furaha kubwa kalenda ya uchaguzi wa ndani ya chama chetu kwa nia ya kukamilisha taratibu za uchaguzi kwa mujibu wa katiba na kanuni za chama chetu ili kupata mgombea atakaesimamisha, kuipigania na kuitetea bendera ya chama chetu katika uchaguzi mdogo wa jimbo la Uzini. Sisi wazee wa chama na wenyeji wa jimbo hili tukijua huu ni uchaguzi wa jimbo ambao wanajimbo wenyewe wananaoishi ndani ya jimbo ndio wahusika tofauti na uchaguzi wa Rais kwani Rais hana jimbo maalum, ndio maana tukamchagua Dr Ali Moh’d Shein kutoka Pemba kuwa Rais wetu, kwa kuwa Zanzibar ni jimbo moja kwa nafasi ya urais kama tilivyokuchagua wewe kutoka Bagamoyo kuwa rais bwa Jamhuri kwa kuwa Tanzania ni jimbo moja kwa uchaguzi wa rais wa Jamhuri ya muungano. Kwa mshangao mkubwa sisi watu wa Uzini tukaletewa mtu alie nje mbali sana na jimbo letu kutoka jimbo la Bububu wilaya ya Magharibi na kuhamishiwa kwenye tawi letu na kupewa fomu ya kugombea nafasi hiyo ya uwakilishi huku wanajimbo halisia wafikao kumi waliojitiokeza kugombea nafasi hii wakiangushwa kwa hila na ghilba na nguvu ya pesa aliyoitumia mwanachama wa CCM mwenzetu, mfanya biashara, bwana Moh’d Raza Daramsy, akisaidiwa na kusimamiwa na viongozi waliokuwa si waaminifu wa chama chetu, ambao wameshindwa kupima upepo wa siasa zetu, na ambao wamesahau historia ya mapinduzi yetu. Viongozi hawa wa ngazi ya jimbo na wilaya wasipoangaliwa kwa umakini mkubwa watakipeleka pabaya chama chetu. Sisi wazee wa Uzini tunajivunia na kujifagharisha mno na Mapinduzi yetu Matukufu ya mwaka 1964 kwani sisi watu wa Uzini tumetoa mchango mkubwa sana kuyafanikisha Mapinduzi hayo. Kambi za kuandaa Mapinduzi ziliundwa katika jimbo la Uzini. Wapangaji na waratibu wa Mapinduzi wengi wao walitoka katika jiombo la Uzini. Hii ndio maana kati ya wanavuguvugu lililoleta Mapinduzi moja wapo ni Mzee Kesi, mwanasiasa maarufu aliyeshitakiwa na serikali ya kikoloni ya wakati huo ili kumkandamiza Maalim Muhsin. Baadae kwa kuthaminiwa aliteliwa kuwa waziri na MBM katika serikali ya mwanzo baada ya Mapinduzi. Mwengine ni mzee Muhsin bin Ali ambae nae alipewa uwaziri na Karume kwa kuthamini mchango wake mkubwa na mchango wa watu wa Uzini katika Mapinduzi ya 1964. Na wengi wengineo ambapo ndio maana wazee wetu hawa wa jimbo la Uzini wakatuzalia vijana wazalendo wanamapinduzi kama alivyo Mhe Seif Khatib, Mbunge wa jimbo la Uzini ambae ametoa mchango mkubwa katika kuujenga, kuutetea na kulinda Muungano wa Tanzania. Wengine ni waziri wa elimu wa serikali ya Mapinduzi Zanzibar Mhe Ranadhani Abdalla Shaaban na Mhe Ali Mwinyi Msuko, Afisa mtendaji katika ofisi kuu ya CCM. Na wengine wengi ambao itachukua muda mrefu kuwataja. Mheshimiwa mwenyekiti, tumeandika haya na kuyafikisha kwako tukitumaini chama chetu bado kina vikao vyake vya juu ambavyo vitafikia maamuzi ya kutuletea mgombea ambae sisi wanachama ndio tutakaokuwa na nafasi kubwa ya kumsimamia ili aweze kushinda. Mhe Mwenyekiti, kwa kutumia vyombo vyako ulivyonavyo ambavyo vina mizizi mirefu vilivyoko ndani ya jimbo tunaamini vitakupa taarifa zilizo sahihi zilizomo ndani ya jimbo hivi sasa baada ya matokeo ya kura ya maoni. Jimbo limegawika na vijiji vimekatika na chama kimetikiswa. Wako wanaokumbuka kama chama hichi hichi cha CCM kimefanya maamuzi mazito katika chaguzi za nyuma zilizopita kama vile jimbo la Kigamboni pale kilipofuta uteuzi wa Yussuf Manji na pale Kawe kilipofuta uteuzi wa Adam Jee na kwengineko ili kukinusuru chama. Maamuzi kama haya yanahitajika katiaka jimbo la Uzini ili kukinusuru chama hasa kwa jimbo hili la Uzini kwa historia yake, nafasi yake na mchango wake mkubwa kwa chama chetu. Mheshimiwa mwenyekiti, demokrasia iliyopana ni fujo kwa wale wenye dhamira zao za tamaa na ulwa au kufichia waliyonayo. Kwa mwenendo huu ambao chama chetu kinaendeshwa na baadhi ya watendaji waliokosa uadilifu watatufikisha pahala pabaya jambo ambalo sisi wana CCM wazalendo na wanamapinduzi hatulikubali. Kwani mchelea mwana kulia mwisho hulia yeye. Sauti ya wanyonge ni sauti ya Mungu. Mkoa wa kusini Unguja ni Mkoa ambao hakijatoka kiti chochote kikenda upinzani tokea 1957. Kwa mwenendo huu sasa ambapo kila mwenye fedha zake nyingi ndie anaefanya maamuzi ya wazalendo ni hatari inayotaka kuepukwa kwa gharama yoyote. Hatuyasemi haya kwa kukusudia ubaguzi sisi ubaguzi hatunao. Lakini jee itakuja kuwa sahihi kama Mkunduchi Haruna Ali Suleiman – Muhindi, kwa Muyuni, Jaku – Muhindi, na kwa Uzini, Raza Daramsy – Muhindi? Tungojee na Chwaka mwakani – Noushad Moh’d. Tuje tumalizie na Koani Abdulsatar Haji Daud. Wote wahindi. Mheshimiwa mwenyekiti tunakushukuru sana kuchukua muda wako mkubwa sana kwa kusoma barua yetu hii. Tunamalizia kwa kuomba kwako radhi na tunaamini utatusamehe kwani wewe ni kiongozi mwenye busara, na utalifanyia kazi suala nyeti tuliokueleza kwa madhumuni ya kurejesha umoja wetu na kudhibiti ushindi wa jimbo letu. Wanachama wenzako, Haji Juma Kibwana wa kijiji cha Uzi, Omar Haji Mo’hd wa Kijiji cha Umbuji, Kassim Juma Khatib wa kijiji cha Mgeni haji, Selemani Bakari Bushiri wa kijiji cha Tunduni, Fatma Herezi Said wa Kijiji cha Bambi, Mustafa Khamisi Mustafa wa kijiji cha Kiboje, Nakla kwa: 1. Makamo mwenyekiti CCM – Zanzibar, Dr Amani Abeid Karume 2. Naibu Katibu Mkuu CCM – Zanzibar, Vuai Ali Vuai 3. Wahariri wa vyombo vyote vya habari Tanzania